الحلم قصيدة روعـة من من قصائد حامد زي

من طرف **بنت العولقي** الأربعاء مارس 12, 2008 8:04 am

قصيدة روعـة من قـــصائــد حـــامد زيــد

بوقت من البطا وبليل تتراقص شياطينه
بعد شفت الضيا ينزع من الثياب المسا ثلثين
تحايلت المنام اللي مثل بيتك تمرينه
وانا اللي من تفارقنا وانا ماغمضت لي عين
قبل يومين شفتك بالمنام وقمت من حينه
ونمت امس ورجع نفس المنام اللي فبل يومين
انا اللي قبل اسافر شلت قلبي من شرايينه
تركته في يدك مثل الامانه واحفظيها زين
وترى حفظ الامانه دين مجبوره تردينه
اجل مافيه احد قالك حفظ الامانه دين
مرد المقفي بيلفي ويستوفي وتوفينه
بعد ليله ثلاثه اربعه شهر شهرين
اذا انت منت بقد الكلام اللي تقولينه
حرام استأمنك حاجه وإذا جيت اطلبك تنسين
تخونين وتبين ارضى واحد يرضى تخونينه
انا لاجيت اخونك مع حبيبه ثانيه ترضين
من اول مارجعت من السفر ماشفت لك بينه
وانا اللي كنت احسبك قبل ادوس ارض المطار تجين
تكونين انتي اول شخص عيني تحتضن عينه
وكنت اتخيلك من زود فرحة رجعتي تبكين
واشوف بدمعتك حكيك واعرفه قبل تحكينه
واجيب احلى من اللي بتحكينه واتركك تحكين
تقولين الوطن نور واقول بنور مضوينه
تقوليلي غديت احلى اقول عيونك الحلوين
كلام نام بشفافك وخفتي لا تصحينه
ذخرتيه الغرام اللي ينام ويتركك تصحين
تغانمتي غيابي لين رجحتي موازينه
تعلم من يدك لمس الكفوف وعلمك تجفين
وليتك لاقيه به شئ فيني ماتلاقينه
ماهو بغرور لا كن خابرك مالك امل تلقين
تغافلك بغلا ولا الحلا ماهو بمن زينه
تزينه الصور بس الصحيح ابن الحلال زوين
وانا ماني بناقص عنه يوم انك تبدينه
نصيبي هو نصيبي لو يسددها من الصوبين
قنوع بمظهري والسم مايذبح ثعابينه
على قول المثل ماني بحلو لكن ماني شين
وإذا اهداك الزهر مره فانا اهديتك بساتينه
واذا الهاك سهر ليله فانا تهت لبكاك سنين
واذا استضعفتك املاكه وشتتك ملايينه
انا حتى فتات الخبزه اقسمها معك نصين
طموحي بس اجي واظفر بشي تستحقيته
تدينته تسلفته سرقته مو مهم من اين
كأني من كثر مارضى بكل اللي تمنينه
لو انك تطلبين الله يعنيني بقول آمين
انا ماالعب على الحبلين وقت الطيش وسنينه
تبين الحين يوم اني كبرت العب على الحبلين
ترى عند البدو بالذات عيب اللي تسوينه
حلاتك لاعشقتيني تعشقيني ليوم الدين
غرام نسكن ضلوعه حشيمه من مجانينه
جفا يجمع معزتنا ولاعشق يذل اثنين
كثار اللي تحدوني وقالولي تحبينه
امانه لا تخليني صغير بعينهم تكفين
لاني كل ماقالوا تخون اقول مسكينه
عليك الله وامانه علميهم من هو المسكين
انا خايف اليا طاح الجمل تكثر سكاكينه
وانا ماعادت اضلوعي تحمل طعنة السكين
مثل ماقالوا المكتوب واضح من عناوينه
لو ارحل منك للغربه بسافر من ظلامك وين
كفايه كل حلم يمر برقادي تزورينه
كفايه من تفارقنا وانا ماغمضت لي عين
قبل يومين شفتك بالمنام وقمت من حينه
ونمت امس ورجع نفس المنام اللي قبل يومين

أنشاااااااااااااااء الله تعجبكم القصيده